Plantun de Prouvènço

Pèr coumpara dos planto d'encò nostre

Juncus tenageia & Silybum marianum

Juncus tenageia

Juncaceae

Noms en français : Jonc des marais, Jonc des vases.

Descripcioun :
La tèsto-rousso es un jounc prim que trachis dins li mueio e li relarg bagna. Li flour soun souleto, pichoto e bruno coume li fru. De nouta que i'a d'auriheto bèn marcado sus la fueio d'en aut à la limito dóu pecou e dóu limbo (fotò). Ei pas uno meno proun coumuno, aleva dins li relarg safrous coume en Prouvènço séusouso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1700 m
Aparado : Noun

Liò : Palun - Ribiero - Mueio
Estànci : Termoumediterran à Mountagnard
Couroulougi : Pancaro entresigna
Ref. sc. : Juncus tenageia Ehrh. ex L.f., 1782

Cardoun-blanc

Silybum marianum

Asteraceae Compositae

Àutri noum : Cardoun-de-Marìo, Merlus-de-champ, Panicaut-blanc, Galifo, Cachofle.

Noms en français : Chardon Marie, Artichaut sauvage.

Descripcioun :
Cardoun proun couneigu de nòsti campagno. Es uno grando planto de l'an (0,5 à 3 m), forto, emé d'espinasso que fan proun mau (subretout aquéli de la flour coumpausado). L'ivèr se recounèis à si rouseto de gràndi fueio tacado de blanc.

Usanço :
Tout èi bon à manja dins lou cardoun blanc, di racino i fueio en passant pèr li tijo, sènso óublida li cor di flour que s'adoubon coume de cachofle, après avé leva lis espino ! Li grano podon servi à faire uno meno de cafè. Lou cardoun-de-Marìo caup de silimarino bono pèr lou fege e la vesiculo : faire d'infusioun de racino (P. Lieutaghi op.cit., p. 156).

Port : Grando erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Silybum
Famiho : Asteraceae
Famiho classico : Compositae

Coulour de la flour : Roso
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Escoumbre e proche dis oustau - Champ
Estànci : Termoumediterran à Coulinen
Couroulougi : Pancaro entresigna
Ref. sc. : Silybum marianum (L.) Gaertn., 1791

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Juncus tenageia & Silybum marianum

ges

Coumpara Tèsto-rousso emé uno autro planto

Coumpara Cardoun-blanc emé uno autro planto